أخيرا خلصتها بعد ايام كتيرة ... ماحسبتش حتى انا امتي بدأت بس يمكن الويك اند قبل اللي فات ... يعني 3 اسابيع ... الرواية جميلة ... جدا ... وسرد طارق امام ... رائع ... كل فقرة لوحة فنية مستقلة بذاتها ... ساعات الجملة بتكون لوحة ... وبتجبرني اسأل جاب الخيال ده منين ؟!
رواية جريئة بالنسبة للموضوع مقدرش ارشحها غير لأصحابي اللي بأثق في وسع افقهم وقدرتهم على تقبل الافكار الغريبة والشاذة
رواية تقيلة وفعلا جرأة انه كاتب ف عصر 140 حرف بتوع تويتر وبوستات الفيس بوك ... يقدر يقنع قارئ انه يكمل رواية بالحجم ده .. ويديها من وقته كل الوقت ده
... دي اكتر رواية تعبتني بعد رواية ربيع جابر طيور الهوليداي ان
بس في النهاية .. جميلة ... في فصول كتير حقيقي استمتعت ... بكون المطروح جديد وفريد وفيه ابداع حقيقي