مش وحشة...بس مش حلوة

بحب الروايات التاريخية

اللي تخلي شخصيات بالنسبة لنا خيالية شوية

زي سعد زغلول مثلا تبقا حقيقية

قاعد في بيته وبيتكلم وبيشرب سجاير وبيلعب قمار عادي يعني

النوع ده بيبهرني زي ما حصل في خارطة الحب -مع فارق الأسلوب اللي طبعا في صالح الأخير-

حسيت بعد ما خلصت الكتاب اني منبهرتش

لكن أظلمه لو قلت عليه وحش

أحمد مراد كاتب أسلوبه حلو يخليك متسيبش الكتاب من ايدك حتي لو بيتكلم عن دروس التاريخ اللي خنقتنا في ابتدائي

بس حسيت بإحساس ان الرواية مأثرتش فيا

ولكن مقدرش أقلل التقييم عن كده عشان استمتعت بيها

كلمة أخيرة موجهة للكاتب

انتا سعيد كده وانتا عمال تزرع أفكار وألفاظ سيئة في عقل القارئ

لو انتا شايف ان دي حاجة عادية من حقك

لكن متفرضهاش علينا

بالذات لو مش مؤثرة في الأحداث

-وحتي لو مؤثرة مش مبرر برده-

الكتاب ده مش حاجة شخصية بتاعتك

ياريت تحترم نوعيات القراء المختلفة

وإن كانت المشاهد الاباحية في القصة قليلة ودي حاجة نحمد ربنا عليها بعد الفيل تلأزرق

لكن الألفاظ البذيئة كانت زي القنبلة العنقودية

كل شوية تنفجر في وشك....