- نسبة للأحداث فالإسم معبر جداااااااااااا عن المحتوى نفسه وبيصفهم وصف صريح ... تشبيه موفق فعلا
- فى البداية الأسلوب فكّرنى للوهلة الأولي بأسلوب الأسواني فى كتاباته وخاصة فى رواية نادي السيارات فجاءت الرواية على لسان اشخاص مختلفين ويتنقل بيك من شخص لشخص واحداث لاحداث كأنك تشوفها كعرض تلفزيونى او سينمائى .....
- الشيخ الجنزير بالنسبة لى هو " الإخوان المسلمون " فعلا كأسلوب وكل شي فيه كل ما كنت أتابعه خلال الأحداث يتعمق جوايا اكتر واكتر احساسى بيه ومش عارفة ليه اتربطت معايا الاحداث عموما بالاحداث الحالية ولقيته فعلا " إخواني صميم "أو يتسم بالسمات العامة لمعظمهم وليس كلهم ورغم إنه المفروض إن سندس هى محور الأحداث لكن الشيخ جنزير بالنسبة لى كان طاغى اكثر شخص على الأحداث وحتى على الحكومة نفسها....
- الرواية كأحداث وخاصة فى نهايتها ظهرت مستنقع الفساد اللى عايشة فيه الدول العربية ككل فالنظام واحد عند الجميع ولكن تختلف الاشخاص والمسميات بين الدول وبعضها ......
- النهايات المفتوحة بتستفزنى جدا لكنها هنا مستفزتنيش لإنى حسيتها العنصر المكمل لرواية بالشكل ده رواية غير عادية بتفاصيلها المختلفة فلابد تنتهي بطريقة غير عادية او مألوفة .......... وسيظل عزمى بالنسبة لي ككل لغز وليست قضية هوية والده بس !