بالنسبة لي ليها ايجابيات وسلبيات

وهاتكلم عن الايجابيات الأول وهاحاول اني محرقش الرواية للي مقراهاش...

....

1- كعادة أحمد مراد...الرواية مشوقة جدا....

مجرد ما تمسكها تبقى مش قادر تسيبها... وكل ما تحاول تقول طيب اكمل الحتة دي وانام...منكرش انها قللت ساعات نومي وكنت بجبر نفسي انام علشان الشغل الصبح....

2- الوصف الدقيق .... اللي بيجسد الصورة قدامك وبيعيشك جو الرواية ....

3- خلتني اشارك البطل واحاول افك الرموز وامسك ورقة وقلم علشان احاول اوصل للحل... (مع ان الحل اللي وصلتله كان نصف الحل بس...ههههه، ومفهمتش هو وصل للحل ازاي؟؟!!!).

السلبيات....

-الوصف كان كتير بيكون مبالغ فيه وبيتطرق لحاجات ممكن الاستغناء عنها....

-استخدام ألفاظ صادمة...كانت كثيرا ما تشعرني بالتقزز.. ولكن غصب عني بحاول اتحاشاها واكمل الرواية.

- لم تضيف لي شيء... متعة قراءة في وقتها وبس يعني معتقدش اني ممكن ارجعلها تاني ... على عكس تراب الماس مثلا... لأني حبيت اقراها اكتر من مرة

- النهاية الصادمة والغير متوقعة أقدر اعتبرها ايجابية وسلبية في نفس الوقت....

عموما هي رواية في المجمل ممكن اديها 3/5 من وجهة نظري

وبالنظر للجو المحيط أعتقد ان الرواية دي هتاخد جائزة ما أو على الأقل هتترشح لجائزة..!!!

لأن واضح ان الروايات أصبحت تقيّم على أساس كمية الأفاظ والإيحاءات الخارجة فيها... باعتبار ده حرية تعبير...

.....

بس لو هرتب روايات احمد مراد بالنسبة لجودتهم

يبقى...

1-تراب الماس 2-فيرتيجو 3- الفيل الأزرق