الانتظار قد يهلك الواحد إذا تجول فيه بالضجر»، وقد يكون هدهدة رائقة، وشرطها الوحيد أمل ما فيما ننتظر.
كتاب المواصلات: حكايات شخصية لقتل الوقت
نبذة عن الكتاب
"هذا الكتاب هدفه الأساسي أن يشاركك الطريق، في المترو، الميكروباص، الطائرة. حكايات شخصية لا يجمع بينها سوى شيئين: الأول أنها تقدم لك بعض الونس خلال الرحلة، وتقتل الوقت نيابة عنك دون أن تزعجك، والثاني هو الكاتب الذي يؤمن أن الحكايات تجعل الرحلة أجمل دائمًا. عن المؤلف: عمر طاهر من مواليد صعيد مصر في منتصف السبعينيات. صدرت له العديد من الكتب الناجحة، من بينها: «صنايعية مصر: مشاهد من حياة بعض بناة مصر في العصر الحديث»، و«ألبومات عمر طاهر الساخرة»، و«أثر النبي: قصص قصيرة من وحي السيرة»، و«إذاعة الأغاني: سيرة شخصية للغناء»، وترجمة رواية «بالقرب من نهر بيدرا» لـ«باولو كويلو»، و«رصف مصر: ألبوم ساخر مُصور»، و«طريق التوابل: قصص قصيرة»، و«الكلاب لا تأكل الشيكولاتة: حواديت برما»، و«شكلها باظت: ألبوم اجتماعي ساخر». كتب للسينما عدة أفلام من بينها: «طير إنت»، و«يوم مالوش لازمة»، و«كابتن مصر». أصدر عدة دواوين شعرية من بينها: «قهوة وشيكولاتة»، و«مشوار لحد الحيطة». كتب أغنيات لكثيرين من بينهم: أصالة، ورامي صبري، وأحمد عدوية، وكايروكي، وسعاد ماسي، وأحمد سعد، ومحمد عساف. قدَّم عدة برامج إذاعية من بينها: «واحد صاحبي»، و«الطريق إلى عابدين»، و«شفت ربنا» مع عزيز الشافعي. قدَّم عدة برامج تلفزيونية منها: «مصري أصلي»، و«اتجنن مع كوكاكولا». كتب عدة مسرحيات من بينها: «يا طالع القلعة»، و«شغل عفاريت». كتب للتلفزيون مسلسل الكارتون «سوبر هنيدي». حصل على عدة جوائز، من بينها جائزة أفضل كاتب مقال عام 2015 في استفتاء مجلة الشباب، وحصل كتابه «إذاعة الأغاني» على جائزة أفضل كتاب 2015 في استفتاء المكتبات والقراء. كتب لمعظم الصحف والمجلات المصرية."التصنيف
عن الطبعة
- نشر سنة 2018
- 146 صفحة
- ISBN 663546946050
- دار الكرمة
تحميل وقراءة الكتاب على تطبيق أبجد
تحميل الكتاباقتباسات من كتاب كتاب المواصلات: حكايات شخصية لقتل الوقت
مشاركة من Bahaa Atwa
اقتباس جديد كل الاقتباساتمراجعات
كن أول من يراجع الكتاب
-
Ahmed Adel
للكتاب عنوانان
رئيسي: كتاب المواصلات
تبسمت له .. فتسعة أعشار قراءاتي تقريبا في المواصلات في الطريق إلى الكلية أو عائداً للمنزل أو في الطريق إلى العمل أو عائداً منه
وفرعي: حكايات شخصية لقتل الوقت
وهو العنوان الأنسب للكتاب
أفكار عشوائية كثيرة من عمر طاهر
الكتاب خليط منشركة النشا والجلوكوز -لكن بفصول معنونة- وإذاعة الأغاني: سيرة شخصية للغناء
كتاب لطيف وسلس جداً وينتهي في ساعتين على اقصى تقدير
-
Bahaa Atwa
الكتاب من اول الغلاف وهو باصص برة شباك العربية وبيشوف الدنيا بيديك نفس الاحساس الي بتشوفه جوه الكتاب والي هو عنوان الكتاب "حكايات شخصية لقتل الوقت" هي الفكرة انها حكايات عمر نفسه والي بتلاقيه قاعد جنبك بيحكيها بنفسه مش بس انت بتقرأها ع الورق.
في حكايات هتسمعها بصوته وتشوفه وهو ماسك فنجان القهوة او واقف جنبك وانت بتعمله ،هتشوفه واقف ف البلكونة وبيبص لليوم بطرف عينه بس بيقولك وماله خلينا نزُق النهارده.. في لحظات ما هتحس انه بيشرح الواقع الي حواليك وبيحكي الي انت شليفة مش بس الي هو كاتبه جوه الكتاب.
الحكايات علي اد ماهي شخصية اد ماهي هتديك الونس الخام الي هيطمنك انه إيه ده ؟ده احنا كتير وبنفكر كجه او انه ياه التخاطر جه اوي كده.. بصته علي الانتظار والتلفزيون والراديو وتمشيته جوه دماغك وانت مبسوط وبتفتحله الابواب بكل ترحيب،وكأنه جاي ينفض تراب عن اوضة الكراكيب ف قلبك ويشق غبارها بنفس نضيف.
ممكن تحس عمر وهو قاعد ع الكنبة بتاعت الميكروباص او مزقوق جنبك في نزلة العتبة وممكن تشوفه في روقان قعدته وهو مربع رجل واحدة ع الكنبة بعد العصر وبيحكيلك الي هو شافه وحسه وانت في ابتسامه مش مفارقة وشك من ساعة مابتمسك الكتاب لحد ما تسيبه.. وكأنها مش لقتل الوقت بس،لا لقتل الزهق. الملل وبتفك طلاسم ايام فعلا مغبرة بحكاية اغنية حلوة او ما وراء الجمال في تنهيدة لام كلثوم مرت عليك كتير بس ودانك مش هتشوفها غير زي ماحكالك هو عليها.. تشوفها اها مش تسمعها لانك بتجسد تلقصة من طريقة حكيه.
الحكايات المحكية في الكتاب هي حكايات تبدو شخصية وخاصة وفيها قدر من الصراحة تخليك تخس ان عمر بيفضفض معاك مش بس بيحكي انه هو كمان بيآنس بيك مش بس انت الي متونس بيه وده حلو جدا لانه بيعرفك انه عارف معاناتك وعايشها زيك مش بيحكي بس من ورا الازاز.. ده راكب الميكروباص وبيلم الاجرة كمان.
في الكتاب ده تقدر تقول انه لما يركب جنبك صدفة حد ابن حلال.. بتتنني السكة تطول عشان ماينزلش ولا الكلام يخلص معاه.. كنت كتبت ف 2017 " السكة بتقصر بالصحبة.. وتِطَوِّل لو تمشيها وحيد" وده فعلا الي شفته بكل وضوح في الكتاب هنا.. وده الي بيخليك تروح كل يوم ف نفس المعاد يمكن تلاقي الشخص ده تآني ووتفاني في تجميع الصدفة.. لكن ده مابيحصلش.. لكن أملك مبيخلصش.
يظل عمر طاهر من الكتاب المفضلين وتفضل كتبه ليها محبة مختلفة سواء في الهروب من رزالة كتاب تقيل او من صعبنيات رواية مجهدة نفسيا وتلاقي كتب عمر طاهر جاية تطبطب عليك وتقولك هتعدي "مش انتهت احزان كتير قبلها" بس بصوته مش بصوت صلاح جاهين.