ابتدي منين مش عارفة
الرواية شدتني أحداثها في الأول
وبعدها بدأت أحس بملل وأزهق
وده مش من عادتي ان اكمل كتاب مش حاباه
بس كان فضولي إن اعرف الحكاية وليه الناس حاباها خلاني اكمل
واعتقد إني في نهايتها قلت "ياريتني ما قريتها"
وصلت لنص الرواية وانا مش فاهمه ليه الرواية اسمها الفيل الأزرق ؟؟
واتصدمت لما عرفت
احداث الرواية كويسة نهايتها صادمة
ناهيك بقي عن ان لازم نفوت جراءة الكاتب في تشبيهاته
والفاظ ما ينفعش في روايه ادبية تتقال
ووصفة الدقيق لحاجات كتير كانت ممكن تتفوت
وشرحه لحاجات واسماء معينه لمشروبات وحاجات
المفروض ما تتذكر علي الاقل اللي مايعرفش بلاش يعرفها
في اولها قررت اني اقراها تاني لاني حسيت اني بضيع في احداثها
بس بعد نهايتها ما اعتقدش اني هاكرر قرايتها
ممكن العيب مش في الكتاب او الكاتب والعيب فيا
سؤال
إيه اللي المفروض اوصله من الرواية ؟؟
مش عارفة !!!
ممكن ما فهمتش ..جايز
ويفضل بردو رأيي مجرد رأي :)