الرواية وكلماتها كانت زى السهام الشفافة اللى بتدخل على الروح على طول وتغسلها وترجعلها مفاهيم مؤمنة بيها...المفاهيم البدائية فى الحياة ...للسعادة والراحة والرضا واليقين فى الله بمعنى اصح
اللى يخليك تحس فعلا ان كل نفس بتتنفسه انت مع ربنا...وانه سبحانه وتعالى لم يخلقك عبثا...اطلاقا حاشا لله
والاكبر انك مش موجود لنفسك وبس...مهما اتكلمت او قريت او حتى سمعت كلام عن فايدتنا واهميتنا لبعض ...ازاى الرواية دى جمعته ماحصلش بجد...يمكن عشان اسلوبها رواية ويمكن عشان جايب ازاى اى تصرف بيعمل شخص معين بيفرق فى حياة غيره ...لإرق ايمانى وجوهرى ودليل على حب ربنا لينا
الحمد لله :))
الفكرة ان الرواية عميقة اوى...والله...وتخليك تسال اسئلة عميقة اوى وتديك الفرصة انك تصغر حجما وتدخل جوه نفسك وتتغلل جواها عشان تفهمها
كانت كل حاجة فى الكتاب مريحة ومتعبة
مريحة فى انك بتتيقن فعلا ان كل اللى بتقراه بيصب فى طريقك لربنا
ومتعبة فى انك بتفكر وبتفهم اوى لدرجة ان عضلات مخك ممكن توجعك "فعليا" بس احلى وجع...وجع تحس انك بتتنفس بيه الحياة بجد
كان فيه اكثر من جزء لم يستهوينى وجوده وسط الكم الرهيب من الروحانيات دى ولكنى بحاول اتغاضى عنه لمجمل الرواية الكاملة