واخيرا انتهيت من تلك الرواية بالرغم انى اجلت قراءتها كتير ربما خوف منها وتوجس بسبب آراء من سبق وقرأها ولم تعجبهم لكن اتشجعت وقرأتها

لحد قبل ختام الرواية بحوالى 20 صفحة كان من الممكن ان اعطيها 5 نجوم كاملة .. الرواية من وجهة نظرى ف بدايتها كانت متماسكة والحبكة الدرامية متسقة وبتجذب لدرجة انهيت الرواية ف 6 ساعات فقط

اعجبنى جهد مراد ف محاولة توضيح وشرح بعض الامراض النفسية والعقلية للقراء وهو مجهود لا يمكن إنكاره .. اعجبتنى الفكرة وإن كانت بعيدة عن العقل

لم يعجنى بعض الالفاظ والايحاءات الجنسية وإن كانت اقل من روايات مراد السابقة .. لم تعجبنى النهاية المبتورة - لحد دلوقتى مش فاهمة هى خلصت ع ايه - وده خلى تقديرى للرواية يقل لـ3 درجات ونص فقط ..

مهارات وملكة مراد الكتابية تطورت كثيرا وإن كان مازال مصمما على حصار نفسه ف قالب معين

منكرش انى ف حاجات ف الرواية مش فهماها كويس او مركزتش فيها اوى بس اى حاجة عندى احساس ان ف حاجة نقصة ف الرواية بس مش قادرة احددهاللاسف

ومنكرش برضه انى قبل ما ابدأ ف الرواية كان عندى رأى عليها مسبق نتيجة آراء القارئين لها بس اتضح ليا انى لازم اجرب كل حاجة بنفسى عشان اقدر احكم عليها بشكل موضوعى من غير ما يأثر عليا اى رأى

وف النهاية لولا اختلاف الآراء لبارت الكتب :)